ჯანსაღი და გემრიელი საუზმე — სახლში მომზადებული გრანოლა | სალომე კასრაძე
е:
გამომყევით ინსტაგრამზე — sakosi
დღეს გადავწყვიტე გაჩვენოთ როგორ ვიმზადებ საუზმეს, რომელიც შეუდარებელია ზაფხულში. ეს არის სახლში მომზადებული გრანოლა. რეცეპტი უმარტივესია. გრანოლას ყველა თავისი გემოვნებით ამზადებს, ასე რომ ჩემი მითითებული ინგრედიენტები შეგიძლიათ ჩაანაცვლოთ.
ჩემი გრანოლას რეცეპტი:
შვრია — 4 ჭიქა
ქართული მიწის თხილი — 1/2 ჭიქა
ნუში 1/2 ჭიქა
ნიგოზი — 1/2 ჭიქა
გოგრის თესლი — 1/3 ჭიქა
ქიშმიში — 1/3 ჭიქა
ქოქოსის ზეთი (შეგიძლიათ ჩაანაცვლოთ ზეითუნის ზეთით) — 1/2 ჭიქა
თაფლი — 1/2 ჭიქა
გაახურეთ გაზქურა 180 გრადუსზე
აურიეთ ერთმანეთში მშრალი ინგრედიენტები
აურიეთ ერთმანეთში ქოქოსის ზეთი და თაფლი და ჩაასხით მშრალ ინგრედიენტებში.
შედგით მიღებული მასა გაზქურაში და შეამოწმეთ თავიდან 10 წუთში, შემდეგ ყოველ 5 წუთში და მოურიეთ.
როგორც კი ფერს შეიცვლის და ნახავთ რომ შვრიაც და თხილეულიც კარგად არის დაბრაწული, გამოიღეთ და გააცივეთ ბოლომდე. დაამატეთ ქიშმიში (შეგიძლიათ დაამატოთ ნებისმიერი გამომშრალი კენკრა)
შეინახეთ შუშის კონტეინერში.
შეგიძლიათ მიირთვათ მაწოთან, რძესთან, შვრიის ფაფასთან ერთად.
ჩემი არჩევანია მაწონი. ბლენდერში ჩაასხით მაწონი, ჩაამატეთ სეზონური ხილი ან კენკრა. ასევე წყალში 30 წუთით გაჩერებული ჩიის მარცვლები.
მიღებულ მასას მოაყარეთ გრანოლა, დარჩენილი ხილი ან კენკრა და მიირთვით. Источник видео youtube.com/watch?v=-C4sZBA6Hgg
